00
شنو هو CAC؟ وشلون نحسبه؟
CAC= Customer Acquisition Cost
معناها كلفة الحصول على المراجع الواحد
تشمل كل شي صرفته حتى يوصلك مراجع جديد
إعلانات إنستغرام وفيسبوك، تصوير المحتوى وتصميمه، راتب موظفة التسويق وخدمة العملاء، خصومات أو هدايا، الاعلانات الممولة.
مثال بسيط: إذا صرفت بشهر 2 مليون دينار على هاي الأمور، وإجوك 10 مراجعين جدد، فكل واحد كلفك 200 ألف دينار. لو تسعيرتك للخدمة 150 ألف، فأنت فعليًا خسران حتى قبل ما يكعد المراجع على الچير.
01
شنو علاقة الـ CAC بالـ Retention؟
خل نفترض إن المراجع اللي كلفك 200 ألف، إجا مرة وحدة وراح معناها خسارتك مثبتة. لكن لو نفس المراجع رجع بعد شهر حتى يسوي اندو، وبعدها يزرع اسنانه لو يسوي تبييض... راح يتحول من مراجع خسران، إلى مراجع يربحنا.
وهنا تدخل فكرة Retention:
قدرتك على الاحتفاظ بالمراجع لأطول فترة ممكنة، وخلي يرجع ياخذ أكثر من خدمة.
بعبارة بسيطة:
CAC alone without Retention = مرات يخسرنا
CAC with Retention = استثمار حقيقي
02
ليش مهم تفكر بيهم سوا؟
العيادة الذكية تفكر بهاي المعادلة: شكد كلفني أجيب المراجع؟ وشكد راح يبقى وياي؟ وشكد راح يشتري على المدى الطويل؟
هذا يسمونه Life Time Value (LTV)، يعني قيمة المراجع على مدى عمره وياك.
فلو صرفت 200 ألف دينار، لكنه رجع 5 مرات وكل مرة دفع 150 ألف،
LTV = 750,000
CAC = 200,000
يعني أنت ربحان بوضوح.
فكر ... إذا تعبت سنة كاملة وسويت كلشي بس ما حسبت شكد كلفة المراجع، راح تتعب، وتشتغل، وبالنهاية تتفاجأ إنو ماكو ربح!
